U MLA ka Khliehriat, u Kyrmen Shylla da ong u wa ki paidbah emkaam u yoh ki yei hok yong ki, wei lada man iwa dooh ki yeitæ ye ki u dawa wow thung da ka takit wa laitlooid wei oo leh u pdiang u yeitæ.
Yeini da ong u Kyrmen hawa kylli kiwa pathai khubor hajrong i dawa u heh ka VPP na ka sorkar wow em ka takit wa laitlooid heiyatoh wa i pynkrehkaam ya ka MLA Scheme.
U Kyrmen da ong u wa sñiawkmen u wa ki paidbah u tip ki yei myntoi wa yoh ki neibhah wa hapoh ka Constituency yong oo yoh ki yei hok yong ki heipor wa biang wei oo leh pyntikna u yeini wow smat i myntoi wow poi cha ki paidbah deiwa pynrap wa hanla em i slem, itæ ymtoh deiwa leh chynnam.
Chooh chooh da ong u wa yaleh u wow pyntikna wa man-u-snem ka MLA Scheme u lai bait ko neibhah ka Rs. 2.5 Klur toh u lai ko cha ki paidbah wei ym em ki bru wa ye u knieh ya ka.
Hawa kylli lada em ka laad wow yoh ki bru u tip ya ka poisa poilaiñ, u Kyrmen da jubab u wa ka RTI toh kawi na kitæ ki laad kawa suk bha ki paidbah u yoh jubab deiwa lai du cha ki yung krehkaam BDO.
Discussion about this post