Hapoh ka kyndon thmu pynyap bru chah pynngat uwa tyrrah ya ar ngut ki kynthai ha NEHU

Ki pulit pyn ynnin ka sngi da Register Case ki hapoh ka Section 109 ka BNS, kawa man ka kyndon wa thmu pynyap bru pyrchah ya u bru wa lai tyrrah ya ar ngut ki kynthai wa lai puræ ha NEHU iwa da jia ynnin heipor kamwa 7:36 i miet.

U Superintendent of Police ka East Khasi Hills, u Vivek Syiem da khana u wa kini ki ar ngut ki toh kiwa lai puræ ka Department of Chemistry wei da mynsoo joor bha ki wei kattæ dang em ki ha ka ICU ka Nazareth Hospital, Shillong.

Da khana u wa leh wa u bru wa yah kari toh uwa da muaid bha uwa pyrtuid Parmen M Sangma wei man u uwa kreh kam u Security Guard ha NEIGRIHMS, tangwa sah won u ha i thaw sah ki Security ha NEHU.

Related posts

Chem chitom wow khang ya ka Internet heipor wa pynman Exam ka DSC | Kyntu u Reachingson wow bood yeiwa dadep rai

March 19, 2026

Iñ ka yaaw Soo Kilo

March 19, 2026

U SP da khana u wa ynne ka sngi da lai rah ya uni u bru cha Kasari wei neiliang ki pulit da paan ki wow kset oo da ka Police Custody neibynta u takit rap bniah.

Chooh chooh da pyntip u wa da pynngat hapoh ka Section 109 BNS, kawa man ka kyndon aiñ wa em i thmu wow pynyap bru neibhah katai ka sarok toh kawa heh wei kawa che bha wei da pynngat oo leh hapoh ka kyndon 183,184 wa 185 yong ka MV Act.