Shillong: U Joint Secretary yong ka Govt of India, Ministry of Information and Broadcasting, u Manoj Kumar Pingua ynnin ka sngi da wan hiar u cha Shillong yow chemdien yei pynkrehkaam ya ka Cable TV Digitization hapoh ki jylla ka Northeast ha ka yalang wa pynman ha Hotel Pinewood, Shillong.
Ka sorkar India da dep booh ko ya ka 01.04.17 ka sngi heiwa waroh kiwa e Cable TV cha ki paidbah wow pynkrehkaam noh da ka Digital Signal lyngba ki Set Top Box (STB). Yow pyntikna wa da pynkrehkaam sakhiat ya kani ka hukum da booh ya ki DC, SDM wa ki Police katkam ka Section 2 of the Cable Television Network (Regulation) Act 1995} ki wow pynchitom ya ki wym bood ya kani ka aiñ.
Ya ka Cable TV Digitisation da pynkrehkaam hapoh waroh kawi ka ri tangwa kattæ leh dang chem wa dang em hi ki wym pu em leh ya ini wei dang em ki tre Cable, ki paidbah hadooh ki heh sorkar ym pu em sñiawthooh ki ya ini.
U Manoj da ong u wa boon hi ki jylla da ye sakhait ki u pynkrehkaam ya ka Cable TV Digitisation wei dang em ki jylla ki wm ye ki pynbiang ya ki STB wei emkaam ki u pyndep noh bran bran yeini.
Hapoh Meghalaya da ye u pynbiang du 69% ki STB ha Manipur wa duna dooh da ye du 29% wei kiwa boon dooh toh ha Arunachal Preadesh 144% pynbood ka Nagaland 105%.
Ha kani ka sngi da pynman leh ka esikai wa chi sngi yow sñiawthooh kiwa e Cable yei wa emkaam u leh ki.
Discussion about this post