Hapoh ri-loom Jaiñtia duna bha wa thooh bniah chaphang ki Elaka: Prof. L.S. Gassah

Jowai: Ka Political Science Department ka Thomas Jones Synod College, Jowai ynne ka sngi da pynman ko ya ka “Workshop on Research Methodology” heiwa da wan u Professor L.S. Gassah kam u bru chemphang uwa e ya ka sikai cha kiwa puræ Political Science hapoh kani ka College.

U Prof. Gassah toh uwa jooh man kam u Head of Department, Political Science hapoh ka skur bah NEHU wei da sikai u kattu la 39 snem.

Da ong u wa kam kiwa puræ Political Science heipor wa thooh bniah (Research) chaphang kawon kawon ka phang da man ko ka lai luti ka wow pynkylla yei rukom pyrkhat wei emkaam u bichaar yeiwa chem ki ymtoh deiwa beiñ emkaam u thooh ya ki jubab wei wow pynbait yeiwa chem ki.

Emkaam leh u em i ka-it mynsien ki ya kawon ka phang wa jied ki wow thooh bniah neibhah lada ym em ini daw man ko kawa sepai wei kamjooh leh kiwa sikai ym toh u pynbor ki ya kiwa puræ u jied ki ya ki phang wym kwah ki.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Ki phang wow jied u leh Research em ki kiwa boon wei boon ki por pynha ki chnong ki thaw wa sah i boon wa ympu em wa leh ya ki. Da e nongmuna u wa hapoh ri-loom Jaiñtia duna bha wa thooh bniah chaphang ki Elaka wa i rukom krehkaam ki.

Ha kani ka sngi da sikai leh ya kiwa puræ kammon wow pynkhreh ya ki “Assignment” wa ki “Presentation”.

Ya kani ka Workshop da pyllai da u Asst. Prof. M.J. Lamare wei da yoh ya ki ktien pdiang sñiawbha na ka Asst. Prof. ka L. Lytan, HOD .