Kawi ka manbei wa punkhon kawa chong wa sah ha i chnong wym lait kari, ka wym ye de u poi heipor chwa wow cha khon, da yaleh ko katwa ye yow poi cha i thaw sumaar wa em chajan dooh wei da wanrah yaka cha Mawtawar Sub-Center wa em ha East Khasi Hills iwa da jia ha kini ki ar sngi wa dep.
Neiliang kiwa kreh kani ka Health Centre da man ki kiwa da pynkhreh wei neidaw wym em por de, da pynkha yei khon pyn hapoh ka kari kamai Taxi wa wan ko.
Ka chnat i chait i khiah da ong ko wa ini pynyoo yei kordor i kaamram kiwa kreh kamjooh i khlanbor ki manbei wot ha i por wa chitom dooh leh.
Heijooh i por da ong wa ini pynyoo ko yei bor mynsien bru tangwa da pynchlur ya kiwa punkhon kiwa sah cha jngai na ki thaw sumaar wow chim kabu ki yaki Transit Home kiwa da booh kyrpang ya kitu kiwa em cha jngai yow yoh ki u sah ha ki thaw wa em chajan ka thaw sumaar thaw kha khon.
Da ong leh wa kini ki thaw sah man ki dei mynkna wei u kha khon ha ki thaw sumaar toh iwa miat dooh.
Neiliang won ka Montri ka chnat i khiah, ka Dr. Ampareen Lyngdoh da yaroh ko yeini wa stat kiwa kreh.
Discussion about this post