Shillong: Ka yungbichaar ka Meghalaya High Court da phah ko ya ka sorkar jylla wow pyrkhat biang yei thmu wow kyrriah ya ka Community and Rural Development Block na Wapung cha Lumshnong wei wow chim ka rai wa pura hapoh ynru tayaw.
Ya kani ka rai wada chim ha ka 6 tarik uni u bnai, hawa chong bichaar ya ka mukotduma Public Interest Litigation (PIL) wada ujor da u Damewanhi Rymbai wa u Libas Siangshai na East Jaiñtia pyrchah ya ka sorkar heiyatoh wa ka rai wow kyrriah ya ka Block.
Kam wow pynkynmoo heini ka Dorbar Chnong Wapung da e sñiawbha ko ya ka sorkar wow chna ya i thaw wa heh kamwa 2.6 Acre ha Wapung Chnong wa he 10,127 Sq.m ha Madan Satrang, Wapung Skur ha ka 21 Naitung 2017 wow chna ya kani ka Block.
Ya u mooyurim wow chna ya kani ka yungkrehkaam ka Wapung C&RD Block da booh ha ka yalang wa pynman ha ka 22 Naitung (April) 2017 heiwa u Montri ka tnat C&RD ka jylla u Sniawbhalang Dhar da man u kam u kongsan katwa u MLA warim ka thaiñ, u Justine Dkhar da man u kam u symbood kongsan.
Also Read: Ujor PIL ki ar ngut ki khynroo wow pyrchah yei kyrriah ya ka C&RD Block na Wapung cha Lumshnong
Discussion about this post