Hadien palat 6 snem, u sarok na Them Ïewmawlong cha Bimola da ye biang wow lai lyngba yong oo nadooh myntu ka sngi.
Ya u sarok ha Them Metor da wai ryngkat i pynkhlan yei em ki pulit wa sonteri deilang ki Traffic Police deiwa sakhi u SP (Traffic), u DK Prasad uwa dapoi lang ha katai ka thaw heipor step yow pynthikna wa lai bait lai ryntih ki kari. Da sakhi leh ya ki bru paidbah wa da sdang ki wow lai kjat lyngbai utai u sarok.
Ya u sarok ha Them Ïewmawlong da khang noh hadien i kynaad wa da mih ha ka 31 tarik u Naisan 2018, iwa da pynmih yei dawa wa joor wow kyrriah ya ki bru kiwa chong wa sah ha katai ka thaw.
Neidaw wa khynnia wei sahkut kari ha ka thaaiñ Motphran wa Ïewmawlong, ha u snem wa dadep da mih i dawa wow wai noh ya utai u sarok, tangwa neidaw wym pu sñiaw chngaaiñ wa ye u mih i jia wa ktah yei suk i saaiñ, neiliang ka sorkar da e kti ko ha ki bor District wa ki pulit wow puræ bniah yei long i man wei ha ka 30 tarik u Naichiphaw uni u snem ki bor pynlai District da pynbna ki wow wai noh ya uni u sarok nadooh myntu ka 4 tarik.
I wai ya uni u sarok da pynmih ko leh yei sñiawkhia na ki kattu katni ki liang wa ki seiñ neibhah ya ki bru wa sah ha Them Metor ym pu ye wow kyrriah ki hadooh katni.
Discussion about this post