Jowai: Ka yakhih “Stay off the Road Peaceful Protest” wa da khut da ka CoMSO ynne ka miet kawa man ka miet wa ar yong ka yakhih hapoh jylla, da sakhi yei duna i lai i wan ki kari wei pynjoor i sonteri ki bor pulit ha tymbud u sarokbah.
Hawa yaklam wa u SP ka West Jaiñtia Hills, u Lakador Syiem hadooh wa pynmih ya kani ka wyrta da ong u wa ym em iwon iwon i chah pynthut hei lai i wan kj paidbah.
Da pynrap u leh wa em chiboon ki pulit wa lai sonteri ha u sarokbah wei yeini da sakhi da u Wyrta heiwa duna kiwa thang chaka (tyre) ha sarok hawa wyrchaw wa ynnin i miet.
Tangwa heipor kamwa 11:00 i miet won iwa ye u man kam chibynta wa da thang ya i jhep hapoh tin da sakhi yei thang jhep hapyrdi sarok dei thmu wow pynthut yei lai i wan ki kari.
Kani ka yakhih u man ko nadooh ynnin 7:00 i miet ka 18 tarik hadooh 6:00 i step ka 19 tarik wei da pynbood biang won ha ka 19 tarik ha i jooh i por.
I thmu wow pynman ya kani ka yakhih toh wow pyrchah ya ka sorkar India wa kam ka jylla wa ka jaitbru yei thmu wow pynman aiñ ya ka CAB.
Discussion about this post