Hapyrdi u slap wa joor chongkun i sdang ka Behdieñkhlam 2024 ka Raij Jowai

Ynne ka sngi Pynsiñ ka 30 tarik, ki khon ka Raij Jowai da sdang ki ya ka lehniam Behdieñkhlam 2024 kawa Soo Sngi Le Yaw.

Ki khon ka Raij heipor chiteiñ sngi da sdang ki da ka Siang ka Pha iwa mut wa da e baam e dih ya ki Sangia Saret ki yong ki ha jar jiar ki Kmaiyung wa ki Yungblai wa em hapoh ka Raij Jowai.

Hadien wa dep ka Siang ka Pha, ki Khon Raij da pynlang paaid ki ha Khliehchnong yow pynkhreh wow lai thooh ya ka Symbood Khnong na Riatturiem wei wow booh won ya ka ha Loom Sooyung.

Chirup wa i ood ka bom, ka bhuri, ka bikur wa ki chæng-chæng ki paaid kiwa kynthup khynnah wa waheh dei chaad dei kyriaw ha tymbud u sarok katwa kiwi won da kit da bah ki ya ka Symbood Khnong hadooh wa poi ha Loom Sooyung (Jowai-Shillong Indica Stand).

Ynne hanla em u slap wa joor, ka sngi Pynsiñ ka Behdieñkhlam da man ko kawa chongkun bha. 

Hawa yaklam wa u Dolloi ka Elaka Jowai uwa man leh u khlieh ka niam, u Puramon Kynjing da ong u wa ynne ka sngi da sdang ya ka lehniam Behdieñkhlam heiwa da e u i kitbok kitrwiang leh ya waroh.