Ka Dorbar Chnong Umkiang, East Jaiñtia Hills ynne ka sngi da thoh ko cha ka MeECL hajrong i slah thut i rukom saam bordiñ cha ki chnong kam ka Kuliang, Pyrtakuna, Lumsoskie, Lumphyllut, Dona Bhoi, Dona Skul, Dona Umbluh wa Ratacherra heiwa da dawa wow pynbait noh ya ini waroh.
Kini ki chnong em ki por da sakhi ki yei thut wei dooh bordiñ hadooh 48 kynta iwa da wanrah chiboon i eh i khoo ya ki paidbah hanlada su bait ya ka bai bordiñ dei langær leh.
Ini i thut da pynpyrkhat i leh ya ki paidbah ki chnong boi ka MeECL da pynkrehkaam biang ko ya ka Load Shedding ha ki chnong yong ki.
Ki paidbah ka thaaiñ da ong ki wa i thut hei saam bordiñ jia i khamtam heipor wa slap wei em ka la’ær wei ini da jia i na ki snem wa dadep khamtam ha ki thaw khappood.
Da kylli ki leh wa lada ka bordiñ wa saam ka MeECL cha ki chnong tieñ ko ya u slap mo?
Chooh chooh da ong ki wa ka sorkar da phah ko wow chong ha yung neidaw wa em ka khlam COVID-19, wei kammon u ye ki wow chong yung hawa ym em ka bordiñ khamtam hei li’yur wa chit wei emkaam wow smat u pynbait noh ya ini waroh.
Hajrong ini ki paidbah da dawa ki wa ka MeECL wow pynche noh ko yeini hapoh 14 sngi lym kamtæ daw thooh ki da kiwi ki laad wow leh yeiwa emkaam.
