U Working President ka National People’s Party (NPP), u Wailadmiki Shylla da ong u wa ki paidbah da chah thok ki ha ka Voice of the People Party (VPP) deiwa e Ticket ya u MDC wa katni ka JHADC, u Andrew Shullai na North Jowai.
Da ong u wa katkam i klam yong ki kylleiñ da yoo wa ksoh yurim ki wym e Ticket næ wow spaiñ ha ka seiñ ya ki bru kiwa embynta chwa ha ka saiñpyrthai kam ki MDC wa MLA, wei pynrap u wa ini i leh da chah ktah ya ki paidbah kiwa da chah thok neibhah wa ka VPP ym em ksoh ko ya katæ ka yurim.
Kam wow kdaw wa ka VPP dang ini wa dep da pynbna ko ya ki kyrtong neibynta ka Election MDC wa kynthup ya 24 ngut kiwa yakhun ha Jaiñtia Hills Autonomous District Council (JHADC) wa 27 ngut kiwa yakhun ha Khasi Hills Autonomous District Council (KHADC).
U Wailadmiki uwa man u MLA ka Jowai da ong u wa man iwa khyrngiat wow yoo wa ka VPP da pynbna kyrtong ko da uwa da man MDC chwa neibhah ki paidbah leh da yooluti ki wow ksoh ya ka yurim wa yatoh wa iwa da klam chwa ko.
Da ong u wa ka NPP ym em pynyaphær ko lada uwon uwon u kyrtong leh wei da pynkhreh ko wow e reiñ kamwa jooh man ha ki Election, heiwa da pynsñiaw u leh wa da yakhun pyrchah u ya u Andrew Shullai ha ki ar tylli ki Election.
Hawa kylli da ong u wa ym em yoo iyi iyi wa ka VPP daw man ko i maa ya ka NPP ha kani ka Election MDC wa daw man wei da ong u leh wa ki paidbah ymtoh u sñiawthooh bakla ki hanla kiwa boon chim ki wa ka MDC wa MP Election man ki i jooh.
Ha iwi won i liang da ong wa ka NPP da pynkhreh bha ko neibynta ka Election deiwa khana leh wa ha Jaiñtia Hills ha kiwa boon ki Constituency da em palat ar ngut kiwa paan Ticket wei kattæ da em sa 3-4 tylli ki Constitency ki wym pu ye u pynbait kyrtong.
Da pynkut u deiwa ong wa ki paidbah dang pynyoo ki yei chaniah ya ka NPP.
Discussion about this post