U Montri Rangbah ka jylla, u Conrad K Sangma da ong u wa ymtoh iwa suk wow khang syndet yei kaam tih wei khayi mooyong kawa man ka pliang ja yong ki lak tylli ki manyung ka jylla, tangwa hap wow chna chwa da kiwi ki laad yow ye ki wow kreh biang yei kaam, kamtæ ka sorkar da wanrah ko da kawi ka laad, kawa man ka Scientific Mining yow lait nei tih khiar de ya u mooyong yow chngaaiñ ka ramaw wa kiwa kreh mooyong.
Da ong u wa ha ka sorkar ki kyndon aiñ toh kiwa emkaam wei hawa tip yeiwa em kiwa tih wei khayi mooyong pyrchah aiñ, da leh wut-wut yow khang syndon ya ki paar mooyong wa man pyrchah aiñ wei da kem leh ya boon ngut ki bru wei dang pteiñ wow leh yeini.
U Conrad da ong u wa ha ryngkat i bood ya ki kyndon aiñ hap leh wow sñiawthooh yei chah ktah neibhah ymtoh iwa suk ya kitu kiwa im nei kaam tih mooyong da ki spah snem wow phah pynsangeh syndet deiwa pynrap wa yeini waroh toh wow sñiawthoohlang.
Discussion about this post