Kiwa yahkhmat ka KSU Namdong Area Unit da lai hiar ki ynne i miet yow lai pait ya ka Namdong CHC yow chem kammon man ko heipor wa dooh bordiñ ha kani ka thaaiñ wei da chem wa kani ka thaw sumaar toh kawa chong hei doom iwa da pynchitom ya kiwa thah kjut kamjooh ki Doctor wa ki Nurse wow leh yei kaam yong ki.
Neiliant u President ka Unit, u Kitbok Lang Lamare da ong u wa kani ka CHC man ko kam ka trep thaw sah ki mrad neibhah i pynkha khon leh da yoowyrai wa thap thang dei mombati wa ki Torch Light wei kamni kammon u jia ya ki bru kiwa wan phah sumaar hawa hap chong hap sah hei doom.
Ka seiñ da ong ko wa ka sorkar da kheiñ kyrdan CHC kulmar ko ya kani ka thaw sumaar heiwa tang ya ki Solar Panel kiwa da em ha kani ka thaw kiwa da sih ym em pynchna, kiwa da dep dawa ka seiñ wow pynchna noh wei wow booh leh ya ka Generator ha kani ka thaw.
Kamtæ ka seiñ da ong ko wym neh de u pait yeini i eh kani ka CHC wot hadien wa da lai pyntip lai pynyoo da boonsien cha ki bor sorkar, wei ka seiñ daw chong pyrkhat ko da kamwi yei yi u leh.
Puræ leh: Chem ka KSU wa hadooh 11 waje leh ym pu wan ki wakreh ka Namdong CHC
