Hei krehlang wa ka PRIMCO sdang thooh ka sorkar jylla ya ki khynnah wa emsap yalehke

Jowai: Ka Talent Identification Programme namo wow thooh yow chem ya ki khynnah wa em sap ha ki yalehke sports waphær waphær da pynman ya ka ynne ka sngi ha Kiang Nangbah Stadium, Jowai da ka tnat Sports & Youth Affairs heiwa da wan ka Company na Australia wa tip kam ka PRIMCO Testing System wow sylli yei sap yalehke ki khynnah.

Ynne ka sngi da em kamwa 480 ngut ki khynnah wa wan cha khmat kiwa da chimbynta wow phet 20 meter, i phet ha ka yingkeiñ wa da booh ha khyndaw, u skit wow tba ya ki khoh wa booh wow pynyoo yei smat i stiñ ki wa i kynthih cha jrong.

Na ini waroh ka PRIMCO da booh ko ki kyndon wow pynyoo heiwon ki yalehke wa yahaap ki khynnah wei ya ini daw phah cha ka sorkar jylla ka wow jied ya kiwon ki khynnah wow e sikai ko nadooh wa dang khian ki.

Ha kani ka sngi da e laad ya ki khynnah nadooh 8 snem hadooh 18 snem wow chimbynta.