Ka Meghalaya Board of School Education ynne da pynbna ko ya ka Result Secondary School Leaving Certificate Examination, 2025 kawa da chong yaleh da 63,682 ngut heiwa kiwa Pass da em ki 55,473 ngut iwa pynman ya ka Pass Percentage u man ko 87.10% iwa da ku bha hawa nujor ha u snem 2024 wa man du 55.80% donhi.
Ha ka thup Top 20 da yoh nyngkong ar ngut, ka Leisha Agarwal na ka St. Margaret’s HS School Shillong kawa da yoh 582 Marks deilang ka Avila Kathrene P Lyngdoh kawa na North Liberty Higher Secondary School, Jowai kawa da yoh leh 582 Marks hi.
Kiwi de ki skur na Jowai kiwa da mih pyrtuid toh ka KJP Synod Mihngi HS School, Jowai heiwa ka Eulogemene Rilin L Suting kawa yoh 576 Marks da yoh ko hei wa le.
Sa kawi toh ka Phidalen Malang kawa na St. Mary Mazzarello Girls’ HS School, Jowai kawa da yoh 567 Mark yow yoh hei wa phra deilang u Rahnam Miki Dkhar na ka North Liberty HS School uwa da yoh 567 Marks hi.
Ka North Liberty da yoh ko leh sa uwi ha ka Top 20, utæ u Hamelamsuk Hadem uwa da yoh hei 17 deiwa yoh 558 Marks.
Discussion about this post