Hei sien wa nyngkong dooh, ka Riwar Mihngi Football Association, hapoh i yahkhmat u President, u Iengskhem Diengdoh wa u Secretary, u Dapborlang Kharbudon deiwa ya krehlang wei yahluti uwi u Senior Referee ka jylla, u David Kharrymba, da yoh ki wow pynman ya ka Referee’s Development Cuurse cum Examination yong ki Referee kawa da chimbynta da ki 34 ngut kiwa kynthup ya kawi ka kynthai.
Ha kani ka Clinic, da yoh yei batai bniah wei sikai wa boon jait yow pynpliah yei man Referee deiwa emlang u Head of Referee yong ka jylla u Ricky Marshall Synnah ryngkat wa ka Referee’s Committee yong ka Meghalaya Football Association kiwa da man leh kam kiwa wailaad ya ka Association wow yoh ko u pynman ya kani ka e sikai deiwa emlang u Northeast Zonal Referees Development Officer uwa da phah da ka All India Football Federation, u Joy Singh Chandra kam u Instructor uwa da hikai wei pynpliah ya kiwa boon ki Referee yong ka jylla Meghalaya nadooh u snem 2014 wei da em na ki kiwa dapoi chadooh ka National Level hapoh i yahkhmat yong oo.
Discussion about this post