Heipor chiteiñ synyaaw lai kem ki pulit ya u President ka KSU Nongthymmai

Ki pulit ka nongbah Shillong ha i por chiteiñ synyaaw da lai kem ki ya u President ka KSU Nongthymmai Circle hajrong i kynreh ya kiwa wan kreh mylla wa ya ka Work Permit ki baar jylla.

Katkam wa khana u Vice President ka KSU Nongthymmai Circle, u Richard Mawkhiew, ki pulit da lai kem ki ya u Eric Nongkynrih ha i por chiteiñ synyaaw lakam u damok.

Tangwa heijooh i por da ong u wa i chah kem u Eric man ko kam wow pynkyrooh ya ka seiñ wei ym sangeh wow kynreh ya ki baar jylla kiwa khlem em ki kot ki sla kiwa biang.

Da booh yukylli u ya ka chnat pulit, hajrong kawon ka yurim wa da kem ki ya u dkhot ka KSU dei miet wei ileh ym leh heipor sngi.

Related posts

Pyndem ka Star Cement ha ka JAC | Dang pteiñ ka yakhih pyrchah ya ka Dalmia wa ya ki Bulker Truck

April 28, 2026

Pyrchah ka HNYF ya ka Public Hearing ka Shree Cement deiwa ong wym em yoo i myntoi deiwa wan kini ki karkhana

April 28, 2026

Neiliang ki dkhot ka seiñ da lai toor ki cha Sadar Police Station heiwa ki pulit da pynlait noh ki ya uni u dkhot wa chah kem.

Kam wow kdaw wa ynnin ka sngi, u Montri Rangbah ka jylla, u Conrad K Sangma da ong u wa ki pulit dadep Register ki 4 tylli ki Case pyrchah ya ki dkhot ka seiñbhalang kiwa emkti wow thombor ya kiwa wan mylla na baar jylla.