U Montri Rangbah ka jylla, u Conrad K Sangma da pynsñiaw u yei sñiawkhia yeiwa leh ka Hynniewtrep Youth Council (HYC) ini wa dep heiwa da lai khang ko ya ka yung krehkaam namo ka Administrative Block ka NEIGRIHMS wa kynthup leh ya ka kamra krehkaam u Director.
Hawa yaklam heiyatoh wa ini ynne ka sngi, u Conrad da ong u wa wot heipor thma leh ym em ki chipai wow lai siat lai mang wow leh dei bor ya ki Hospital wei iwa jia ha NEIGRIHMS toh iwa sñiawsih wei kiwa chah ktah hi toh ki paidbah wa kiwa chah sumaar.
Da ong u leh wym ye u pdiang ya kam ini wot lada man ko kam wow pyrchah wow ujor leh neibhah wa em ka luti wow leh yeini waroh deiwa yaklam ymtoh dei bor.
Chooh chooh da ong u wa i pynthut yei krehkaam ka Hospital ymtoh ka luti wa biang wei ki pulit leh da Register ki da ka Case heiyatoh wa ini i wa jia.
Kam wow pynkynmoo wa ka HYC ini wadep da khang ko ya ka yung krehkaam u Director ka NEIGRIHMS hadien wa kut i por wa da e ka seiñ khlem da yoh iyi iyi i jubab heiwa ki dkhot ka seiñ da psiah yabor ki cha ka kamra krehkaam u Director hadooh wa mih i awri awra wei da khut ki leh ya u Director wow mih cha lait yow yaklam wei manda leh u yeini da khang syndon ki ya ka Administrative Block u Director.
Ka HYC da dawa ko wow thung kreh da 80:20 ki Nurse heiwa 80% toh u man ki kynthai wa 20% ki chynrang.
Neiliang u Director da pynche u wa ini i thung kreh man ko ya kitu ki kreh wa da sah da slem wei da leh katkam ka Reservation Roster wei da booh i bhah ya ki Scheduled Tribe katkam ka kyndon.
Discussion about this post