U Montri ka chnat Public Health Engineering (PHE), u Marcuise N Marak, da booddien u yei duna ka um ha sor Shillong khamtam ha ki por wa raw hei tlang.
Hajrong ini, u Marak da ong u wa ini ymye wow leh iwon iwon neibhah wa da duna ka um ha Meghalaya kamtæ ka sorkar thooh ko ki laad wow leh yeiwa emkaam heiwa ki thaw wa mih um emkaam u pynkhai-im biang ya ki.
Da kyntu u ya ki paidbah wow man kiwa syndong neini chaphrang khamtam neibynta ka mynried ka pateiñ wow wan.
Heiyatoh wa ka Greater Shillong Water Supply Scheme (GSWSS) Phase III, kawa da yaklam da ki phaw snem, u Marak da ong katni i kaam da lai i chaphrang wei da booddien u yei kreh neipor cheipor.
Da pyntip u leh wa da booh thong wow pyndep yei kreh ha u Wisu (Mar) u snem wow wan.
Heiyatoh wa ka poisa wa da pynlut yei kreh ya ka, da ong u wa hadien ka bynta wa le yong ka Project, ymtoh de u em i thut ka poisa neibynta ka Greater Shillong Water Supply Scheme Phase III.
Kam wow kdaw heini kani ka kreh toh kawa da booh poisa nadooh u 2008, wei toh u pyndep yei kreh ha u Kmaichonglad (Dec) u snem wa dadep neibhah wa i dawa um ha sor Shillong wa kiwi ki thaw wa marjan dang ku i kat dang boon ki bru ha sor.
Discussion about this post