Heipor wa tem yaka State Song ka West Bengal rwai ki MLA ka BJP da ka National Anthem hapoh dorbar

Ka Dorbar Mang Tangka ka West Bengal Assembly da sdang ko ynne ka sngi deiwa awri awra hadien wa sdang yaka deiwa tem ya ka sur ka jylla namo ka State Song tangwa heini i por ki MLA ka BJP da yieñ ki wow rwai da i National Anthem ka ri.

Neiliang ka Chief Minister ka West Bengal, ka Mamata Banerjee da ong ko wa yaka National Anthem u tem heipor wa pynwai wei deiwa leh ki MLA ka BJP kamni da man ko i yoobeiñ yaka National Anthem.

U MLA ka BJP, u Agnimitra Paul da ong u wa yaka National Anthem da jooh tem manda sdang wei manda kut kawon kawon ka yalang sorkar kmajooh haka dorbar mang tangka.

Kam wow kdaw heini wa ha u bnai wa dep, ka sorkar West Bengal da pynmih hukum ko wow pynbna yaka Poila Boisakh namo ka sngi nyngkong u snem thymme ki Bengali yow man ko kam ka State Day katwa i rwai “Banglar Mati Banglar Jal” wa thoh da u Rabindranath Tagore yow man i kam ka State Song heiwa da tem nyngkong yeini hapoh ka dorbar ynne ka sngi.

Related posts

Da boonsien dep u yasyllok wa kiwa chongdai madan, phylla u Paul yei pynbaad wa leh yabor

November 24, 2024

Da 4 lak tam ki Vote jop ka Priyanka Gandhi ha ka Election wa nyngkong yong ka

November 23, 2024

Heipor wa wanrah yaka mang tangka, ki MLA ka BJP kiwa em ha ka liang pyrchah wa kiwi de da sdang ki wow pynwit deiwa kbai da kiwa boon ki jait kyntien.

Ka Finance Minister ka West Bengal ka Chandrima Bhattacharya hawa puræ ko yaka mang tangka da chah pynthut ko leh ha ki MLA ka BJP kiwa da sdang biang u kbai u awri.

Heini i por da yieñ ka Mamata Banerjee yow beiñ ya kini kiwa em haka liang pyrchah deiwa ong wa ye ki wow pynsñiaw yeiwa kwah ki hadien wa wanrah yaka mang tangka.

Da pynkynmoo ko leh ya ki MLA ka liang pyrchah wa kani ymtoh ka yung krehkaam ka BJP wa yoh ki u kbai katwa ngait neibhah ki paidbah em ki ka hok wow tip iyi wa da leh ka sorkar deiwa ong leh wa kini ki MLA ym em kwah ki yeiwa bha neibynta ki paidbah wei ini i rukom leh i toh iwa tngit bha iwa man pyrchah yaka jylla.

Da pynkynmoo ko ya iyi wa jia hapoh ka sorkar pyrdi heiwa da chah Suspend hadooh 147 ngut ki MP napoh Parliament deiwa ong wa ym kwah ko wow lai da kani ka luti wei lada toh ki kiwa chlur sakhiat toh u klam ki hadien wa wanrah yaka mang tangka.

Ka Finance Minister hawa wanrah yaka mang tangka da pynbna ko leh ya chiboon iwa da pynkylla kamjooh ki Policy neibynta wow yarap paidbah kamjooh yow pynmih kreh deiwa pynbaad yaka sorkar pyrdi wa da pyrchang ko wow ksih yaka West Bengal ha ki khayi pateiñ tangwa ym pyndem ki deiwa khana wa ka sorkar pyrdi daw hap su ko sa Rs 1.18 lak klur cha ka West Bengal.