Hadien wa chi sngi wa boon da kiwa dang yoh COVID-19 ha Meghalaya, ynne ka 26 tarik da boon biang da kiwa dang chait kiwa em 362 ngut, kiwa dang yoh 231 ngut wa 2 ngut kiwa yap (waroh ar ki wym pu em yoh tika) kiwa na East Khasi Hills (01) wa na West Jaiñtia Hills (01). Kiwa dang yoh da neh ki hapoh 500 ngut la 18 sngi khlem sangeh.
Na kiwa dang yoh kiwa boon dooh toh na East Khasi Hills (116) iwa pynbood sa ka West Khasi Hills (46) wa ha South West Garo Hills (34) katwa ha kiwi ki District kiwa dang yoh da em ki hapoh 10 ngut kitæ ka South Garo Hills (00), East Jaiñtia Hills (02), North Garo Hills (02), South West Garo Hills (03), West Garo Hills (03), East Garo Hills (06), Ri-Bhoi (09) wa ha West Jaiñtia Hills (09).
Ki District wa duna dooh kiwa dang chah ktah toh ha East Garo Hills (18), North Garo Hills (24), South West Garo Hills (27), South Garo Hills (30) wa ha East Jaiñtia Hills (32).
Kiwa dang chah ktah da em ki 3.58% (2682 ngut), kiwa da chait da em ki 94.68% (70,841 ngut) wa kiwa da yap 1.72% (1294 ngut), deilang dapoi 74,817 ngut kiwa da dep yoh ya uni u khñiang hapoh ka jylla.
Heiyatoh wa i e tika hapoh ka jylla, da dep wow e la 13,11,747 sien heiwa ynne ka sngi da e 6,203 sien wa kynthup ya ki HCW 85 ngut, ki FLW 1090 ngut, kiwa em 18 chaneiñ 3587 ngut wa kiwa em 45 snem chaneiñ 1441 ngut.
Waroh kiwa da yoh tika chisien da em ki 10,14,415 ngut katwa kiwa da yoh la arsien da em ki 2,97,332 ngut.
Kiwa dang yap man ki kamni ha wah:
- Patient’s name: Bagendra Kumar Pradhan, 89 Yrs/M
Address: 3 ½ Mile, Upper Shillong, EK Hills
Expired at home on 25-08-2021
Covid-19 Positive with comorbidities - Patient’s name: Suk Mynsiem Bamon, 72 Yrs/F
Address: Nongryngkoh, WJ Hills
Admitted on 23-08-2021 in Woodland WK Hospital Sabah
Expired on 26-08-2021
Cause of death: Severe Covid Pneumonia with comorbidities
Kiwa dang yoh, kiwa dang chait, kiwa dang chah ktah wa kiwi kiwi man ki kamni ha wah:
