Hadien wa mih i awri hapoh ka Congress ha jylla Punjab, u Montri Rangbah ka jylla, u Capt. Amarinder Singh ynne da hiar chuki noh u deiwa ekti ya ka chithi iehkaam ha u lat ka jylla, u Banwarilal Purohit.
Neiliang u Capt. Amarinder Singh da ong u wa da ieh u ya i kaam kam u Montri Rangbah ka jylla Punjab neidaw wa chah hajir ware ki MLA ka Party ha ki heh ka Congress cha Delhi iwa pynyoo wa ym em de i chaniah ya oo wow man kam u Montri Rangabh ka jylla.
Chooh chooh u Capt. Amarinder da ong u wa kattu ka Party da ye ko wow jied ya u bru uwa chaniah ko.
U Capt. Amarinder Singh da jooh man teiñ u kam u Montri Rangbah ka Punjab heiwa da ksoh u ya ini i kyrdan ha u snem 2002 hadooh u 2007, wei da man u leh kam u Montri Rangbah wa 15 ka jylla ha kani ka kynti nadooh u 2017 hadooh ynne ka sngi.
