U Prime Minister ka Nepal, u KP Sharma Oli ynne da hiar chuki noh u hadien wa pteiñ wei dang joor i yakhih ki khynroo namo ki Gen Z ha kylleiñ ka ri wow dawa ym du wow wai biang ya ki Social Media tangwa wot wow pyndooh noh yei kaam baamtooh.
Ka khubor wa da yoh da ong wa u Oli da yaklam u wa u Army Chief, u General Ashok Raj Sigdel ynne wow kyrpaad ya oo wow chimkti ya ka ri hadien wa pteiñ i yakhih heiwa u General Sigdel da ong u wa ki chipai u ye ki wow wanrah biang yei chongsuk du hadien wa hiar chuki u Oli.
U Oli da paan yarap u leh na ki chipai wow mih u na yung u iwa em ha Baluwatar chwa wow mih u na ka ri.
Katkam wa man, ki Montri ka sorkar u Oli da kit ya ki cha ka Airport da ki Helicopter chwa wow mih ki na ka ri.
Ynne neiliang ki paidbah da thang ki leh ya i yung u Oli wa ki yong ki Montri sorkar, ki yung krehkaam ki Party kamjooh leh ka Parliament.
Discussion about this post