Ka India Meteorological Department, Shillong Centre da pyntip ko wa ha kini ki 24 kynta da em i hiar i kjam i dait thah wei daw pteiñ i ha kini ki sngi wow wan.
Myntu ka 31 tarik daw joor dooh i kjam ha ka thaaiñ Mawkyrwat heiwa i dait thah da hiar i cha 1.9°C heiwa ha ka 30 tarik won da hiar hadooh 1°C wei iwa duna i kjam toh ha Resubelpara 13.3°C ynne wa 14.5°C ynnin.
Ha Shillong 4°C, ha Jowai 4.7°C, ha Nongstoin 3.6°C, ha Sohra 6.2°C, ha Tura 9.9°C, ha Ampati 11.7°C wa ha Williamnagar 11.7°C i kjam myntu ka miet.
Ynnin i chit dooh toh ha Jowai iwa 20.9°C pynbood ha thaaiñ Barapani 20.8°C katwa ha Shillong won 15.2°C. Ynne won iwa chit dooh toh ha Tura iwa dapoi 23.4°C.
Ha kini ki sngi wow wan daw joor u lyoh ha ki kattu katni ki thaw wei i kjam daw neh i kamwa 5°C hadooh 8°C hei miet katwa i chit won nadooh 14°C hadooh 19°C heipor sngi.
Discussion about this post