Shillong: Ka Regional Review Meeting of the Global Fund to fight AIDS Tuberculosis and Malaria (GFATM) Supported States for the Intensified Malaria Elimination Project (IMEP) hapoh yong ka National Vector Borne Disease Control Programme (NVBDCP) da pynman ya ka ha Jiva Resort, Sohra nadooh ka 14 hadooh 16 tarik uni u bnai.
Kani ka yalang toh wow booddien ya i pynkrehkaam ya ki Scheme ha waroh ki District ki jylla ka thaaiñ mihsngi.
U montri ka chnat i chait i khiah, u A.L. Hek, ha kani ka sngi da man u kam u kongsan heiwa da wan chimbynta da ki sahep na kylleiñ ki jylla ka thaaiñ.
U A.L. Hek hawa e yei klam da kyntu u wow yaleh pyrchah ya ka kjut Malaria kawa ye wow chim wot yei mynsien bru.
Da kyrmen u leh wa nei kreh chitom ki bru daw ye u pynkrehkaam hok ya ki Scheme wa yatoh wa ini i bynta kam ka Intensified Malaria Elimination Project.
Da ong u leh wa i pynman ya kam kani ka yalang daw ye u thooh ki laad ki luti wow poi ha ka thong wow pyndooh ya ka kjut Malaria ha u snem 2030.
U Dr. Avdhesh Kumar, Additional Director, NVBDCP, Government of India, da ong u wa ka Meghalaya da chah jied ko wow man kam ka Model State neibynta ka 6th National Summit neibhah ka kjut Malaria hapoh ka jylla da hiar ko cha ka 74% ha ki 3 snem.
Kiwi kiwa da klam toh u Dr. R. Lyngdoh, Deputy Director Health Services (MI) cum State Project Officer, NVBDCP, Meghalaya, Dr. A War, Director of Health Services (MI), Dr. S. D. Mazumdar, Senior Regional Director, H&FW, Government of India, Dr. M. Warshong, Senior Medical and Health Officer wa u Dr. S. Lyngdoh, State Entomologist.
Discussion about this post