Hiar ka lieñsuiñ wa kit wa kjut ha Mumbai khlem em wa mynsoo hadien wa tkut kawi ka chaka ko

Ka lieñsuiñ wa kit ya kiwa kjut wa chitom namo ka Air Ambulance ka Jet Serve kawa kit lang wa uwi u bru wa kjut da hap hiar biang ko hadien wa haap kawi ka tyre yong ka hadien wa hær ko.

Ini da jia i ynne i miet heipor 9:10 heiwa kani ka lieñsuiñ da hiar ko deiwa hiar beit dei kpoh ka liensuiñ khlem da sai ya ki chaka.

Hadien wa hær kani ka lieñsuiñ na Nagpur, u wakreh ka CISF da chem u ya ka chaka liang timun ka lieñsuiñ kawa em ha luti hær namo ka Runway ka Airport.

Kamtæ kani ka lieñsuiñ da lai ko cha Mumbai deiwa hær chwa chipor yow pynlut phñiang yow pynstiñ ya ka chwa wow hiar ko ha i bynta wa booh da ka Foam Carpet.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Neiliang u Montri wa pait ya ka chnat Aviation, u Hardeep Singh Puri da e khublei u ya u Capt. Kesari Singh uwa da ye wow pynhiar ya ka lieñsuiñ khlem em kiwa mynsoo.