Jowai: Ki pulit ka Jowai Police Station ynne ka sngi hei yah khmat ka OC ka Women Police Station ka Jowai da li hiar ki cha Wahgate wa cha Syntu Ksiar yow kem ya kiwa dai kiad tooh (Bootleggers).
Ya ini da leh heipor kamwa 7:30 i miet wei na pynar thaw hadien wa wan ki pulit kiwa dai da yut ki. Waroh i kiad wa da yoh ki u kem hadooh 25 Liter i kiad pharæng.
Ha Syntu Ksiar ki pulit da psiah ki ha ki le tylli ki dukan dai kiad tooh wei da chem ki leh ya kiwa boon kiwa chong dih hapoh kari wa kynthup ya ki chynrang wa kynthai wei da beh ya ki na kini ki thaw khamtam kiwa booh kari harood sarok.
Ki bor pulit kamjooh ki bor Excise dei langær jooh lai ki cha kini ki thaw wow kem ya kiwa dai kiad tooh.
Discussion about this post