Hiar ki MLA Congress cha Ksan yow sñiawthooh yeiwa emkaam u sai ya kiwa chah kset

Jowai: Ki ynru ngut ki MLA ka Congress napoh ka jylla wa kynthup ya u Dr. Azad Zaman, ka Ampareen Lyngdoh, HM Shangpliang, u George Lyngdoh, Mohindro Rapsang wa u Shitla ng Pale ynne ka sngi da lai hiar ki cha ka krem tih mooyong wa em ha Ksan heiwa 15 ngut da chah kset ki hapoh kani ka krem nadooh ka 13 tarik uni u bnai.

Ka Ampareen hawa yaklam ko wa kiwa pathai khubor ha kani ka thaw wa jia da ong ko wa ymtoh wow pynbaad ya ki bru kiwa nadooh nachwa, ki sorkar warim hadooh ka sorkar wa katni wei neini cha khmat ym jia de kam ini waroh hanlada nachwa da dep jia ma jia i.

U HM Shangpliang won da ong u wa ymtoh i por wow leh Politics ya kani ka kaam wei hap pyrkhat chwa ya kiwa chah kset hapoh kani ka krem mooyong wei neiliang ka Party Congress da pynlang smat ko ya ki MLA wow wan cha kani ka thaw yow yoo dei khmat ya ini i thaw wei wow tip neiyi i daw wa suki i krehkaam, wym ye u taan ya ka um wei neiyi i daw wa ka sorkar ym wan ko wa pait ya kani ka thaw, wei da pteiñ u deiwa ong wa ym sñiaw uwi wot leh u montri sorkar wa wan cha kani ka thaw kawa pynyoo yei kheiñ stiñ ka sorkar, wym chimkhia ka sorkar kawa da ieh ha u DC wow kitkhlieh ya kani ka kaam uwa da leh wow wanrah ki Pump kiwa ym ye u taan ya ka um yeiwa da ktah ya kiwa ngam um kiwa ye u ngam um 40 phut donhi katwa ka um em ko 200 meter tam kawa man leh ka ma ya ki wow ngam ki cha kani ka krem.

Chooh chooh da ong u wa ar tayaw da ieh donhi ya kani ka kaam khlem em wa wan wow takit yow pyntip cha ka sorkar wa emkaam ko ya ki Pump wa khlan bor wei du hadien wa klam ka Congress hapoh ka sorkar wei chadooh cha ka Parliament kattu daw poi noh kitæ ki Pump wa khlanbor.

Related posts

Hiar lai pait u Wailadmiki ya ki sarok wa da pynbna wow chna noh hapoh ka Jowai Constituency

May 4, 2025

Phah u Himanta wow tyngkheiñ yei kjat kiwa yaroh ya ka Pakistan

May 2, 2025

Ka Ampreen da ong ko wa ki kor (Pump) da poi ki ha Guwahati ynnin i step wei ka sorkar emkaam ko wow pynbiang ya ki kari yow pynpoi smat ya ki cha kani ka thaw kawa man kawa eh ya ki kari wow poi cha kani ka thaw.

U George Lyngdoh da ong u wa sñiawngooh u ya ki NDRF, SDRF, ki bor District kiwa da kreh chitom ki wow pynsñiawthooh yei emkam wow pynlait im ya kiwa chah kset.

Neiliang u General Manager Coal India Limited Northeastern Coalfields, J. Borah hawa yaklam u wa ki MLA ka Congress da ong u wa ki Pump kiwa daw poi na ki Company lada em ki 10 tylli daw chitom u pyndait ki wa khynñia i thaw boi daw ye u pyndait le-soo tylli donhi wei daw emkaam ki leh sa ki Generator yow pynkrehkaam ki.

Katwa neiliang ka CIL won da phah ko 8 tylli ki Pump wei daw poi ki ha kini ki sngi wow wan wei daw pynkit ya ki da ki Truck wei ki bor kini ki Pump wow taan um toh 500 Gallons chi minit wei uwa mihkhmat yong ka CIL won ym nood u ong hadooh katwon sngi u chimpor wow taan lut ya ka um kat wym pu tip neiwon de ki thaw wa psiah kani ka um.