Kiwa dang yoh COVID-19 ha Meghalaya da hiar biang ki hapoh 50 ngut hadien ar sngi, da neh ki hapoh 100 ngut la 21 sngi wa hapoh 200 ngut la 37 sngi wei ynne da boon biang da kiwa chait ya kiwa dang yoh hadien chi sngi iwa da pynhiar ya kiwa dang chah ktah wow em ki hapoh 500 ngut hadien 16-04-21 iwa da jan dap 6 bnai.
Kiwa dang yoh ynne ka 29 tarik da em ki 32 ngut, kiwa chait 66 ngut wei ym em kiwa dang yap.
Kam wow pynkynmoo wa nadooh ka 14-04-21 kiwa yoh COVID-19 hapoh ka jylla da sdang ki wow tam 100 ngut wei da pteiñ ki wow ku hadooh wow tam 1000 ngut chi sngi. Tangwa ha uni u bnai da sdang u duna bha kiwa dang yoh.
Na kiwa dang yoh kiwa boon dooh toh ha East Khasi Hills (18) katwa ha kiwi ki District da em ki hapoh 3 ngut kiwa ha Ri-Bhoi (03), West Khasi Hills (03), South West Khasi Hills (02), West Garo Hills (02), East Garo Hills (01), East Jaiñtia Hills (01), South West Garo Hills (01) wa ha West Jaiñtia Hills (01) katwa ha North wa South Garo Hills ym em kiwa dang yoh.
Na kiwa dang chait kiwa boon dooh toh ha East Khasi Hills (44), West Jaiñtia Hills (08) wa ha Ri-Bhoi (06).
Ki District wa boon dooh kiwa dang chah ktah toh ha East Khasi Hills (291), West Khasi Hills (98), West Jaiñtia Hills (30) wa ha Ri-Bhoi (26).
Ki District wa duna dooh kiwa dang chah ktah toh ha South Garo Hills (01), North Garo Hills (01), South West Garo Hills (05), East Jaiñtia Hills (05), South West Khasi Hills (06), East Garo Hills (09) wa ha West Garo Hills (10).
Waroh kiwa da chait da em ki 97.68% kiwa em 81,628 ngut, kiwa dang chah ktah da em ki 0.57% kiwa em 482 ngut, kiwa yap 1.73% kiwa em 1449 ngut, deilang dapoi 83,559 ngut kiwa da dep yoh ya uni u khñiang hapoh ka jylla.
Heiyatoh wa i e tika hapoh ka jylla, da dep wow e la 17,38,768 sien heiwa ynne ka sngi da e 7398 sien wa kynthup ya ki HCW 30 ngut, ki FLW 103 ngut, kiwa 18 snem chaneiñ 6161 ngut, kiwa 45 snem chaneiñ 1104 ngut. Kiwa dang yoh tika ynne kynthup ki leh ya ki 1213 ngut kiwa yoh tika yei sien wa nyngkong wa 6185 ngut kiwa yoh yei sien wa ar.
Waroh kiwa da yoh tika chisien da em ki 11,02,037 ngut wa 6,36,731 ngut kiwa da yoh la arsien.
Kiwa dang yoh, dang chait, dang chah ktah wa kiwi kiwi man ki kamni ha wah:
