Kiwa dang em ya u COVID-19 ha India dang pteiñ hi ki wow duna hadien chi bnai da hiar ki hapoh 9 lak ngut heiwa ynne ka sngi da hiar cha 8.93 lak ngut hadien ha ka 9 tarik u Naikhynde da em 8.97 lakh ngut.
Kiwa dang em ya uni u khñiang kattæ da em ki 8,93,592 ngut kiwa man 12.94% na waroh kiwa da dep yoh.
Ini i hiar kiwa dang em ya uni u khñiang toh neidaw wa boon kiwa chait kiwa da em waroh 59,06,069 ngut heiwa kiwa chait da tam ki ya kiwa dang em ya uni u khñiang da 50,12,477 ngut.
Ini da pynku ko leh ya kiwa da chait cha ka 85.52% deiwa em 78,365 kiwa dang chait ha kini ki 24 kynta katwa kiwa dang yoh da em ki 70,496 ngut.
Kiwa dang chait ha India da boon ki ya kiwa dang yoh la 3 tayaw kattu heiwa kiwa dang yoh leh da sdang duna ki katwa dang mih ka sngi.
75% kiwa dang chait toh kiwa na 10 tylli ki jylla kitæ ka Maharashtra, Karnataka, Kerala, Andhra Pradesh, Tamil Nadu, Uttar Pradesh, Odisha, West Bengal, Delhi, wa Madhya Pradesh. Ka Maharashtra samen da em ko palat 15,000 ngut kiwa chait haka chi sngi.
78% kiwa dang yoh thymme toh kiwa na 10 tylli ki jylla. Ka Maharashtra dang pteiñ hi ko wow man kawa boon dooh kiwa dang yoh thymme deiwa em palat 13,000 ngut wa pynbood won sa ka Karnataka kawa em palat 10,000 ngut.
Kiwa dang yap da em ki 964 ngut ha kini ki 24 kynta wei 82% na kini toh kiwa na 10 tyll ki jylla. Palat 37% kiwa dang yap toh kiwa na Maharashtra (358 ngut).
