Hadien wa ynni ka sngi hiar kiwa dang yoh COVID-19 ha Meghalaya hapoh 50 ngut wei da neh ki hapoh 100 ngut la 17 sngi wa hapoh 200 ngut la 33 sngi wei kiwa chait da boon ki ya kiwa dang yoh la san sngi, ynne ka sngi da hiar kiwa dang yoh cha 13 ngut iwa duna dooh hadien ka 07-04-21 wa em 5 ngut kiwa yoh iwa da man hadien wa da kynjoh 7 bnai.
Kiwa dang yoh ynne ka 25 tarik da em ki 13 ngut, kiwa chait 65 ngut wei ym em kiwa dang yap.
Na kiwa dang yoh kiwa boon dooh toh ha East Khasi Hills (08), West Jaiñtia Hills (02), Ri-Bhoi (01), South West Khasi Hills (01) wa ha West Khasi Hills (01) katwa ha East Garo, East Jaiñtia, North Garo, South Garo, South West Garo wa ha West Garo Hills ym em kiwa dang yoh.
Na kiwa dang chait kiwa boon dooh toh ha East Khasi Hills (45) wa ha West Khasi Hills (10).
Ki District wa duna dooh kiwa dang chah ktah toh ha South West Khasi Hills (01), South Garo Hills (02), North Garo Hills (02), South West Garo Hills (03), East Jaiñtia Hills (03), East Garo Hills (07) wa ha West Garo Hills (12).
Ki District wa boon dooh kiwa dang chah ktah toh ha East Khasi Hills (364), West Khasi Hills (111), West Jaiñtia Hills (49) wa ha Ri-Bhoi (33).
Waroh kiwa da chait da em ki 97.56% kiwa em 81,351 ngut, kiwa dang chah ktah da em ki 0.70% kiwa em 587 ngut, kiwa yap 1.73% kiwa em 1446 ngut, deilang dapoi 83,384 ngut kiwa da dep yoh ya uni u khñiang hapoh ka jylla.
Kiwa dang yoh, kiwa dang chait, kiwa dang chah ktah wa kiwi kiwi man ki kamni ha wah:
