Kiwa dang yoh COVID-19 ha Meghalaya da pteiñ ki wow neh hapoh 100 ngut la 9 sngi heiwa ynne da hiar cha ka 55 ngut katwa kiwa dang chait ynne da em ki 86 ngut iwa da man ar sngi wa boon biang da kiwa chait wa 1 wa yap (wym pu em yoh tika) wa na East Garo Hills heiwa kiwa dang yoh leh da neh ki hapoh 200 ngut la 25 sngi.
Na kiwa dang yoh kiwa boon dooh toh ha East Khasi Hills wa em 46 ngut katwa ha kiwi ki 10 tylli ki District kiwa dang yoh da em ki hapoh 5 ngut wei deiwa kheiñlang da em ki 9 ngut donhi kiwa ha Ri-Bhoi (03), West Garo Hills (03), East Jaiñtia Hills (01),South West Garo Hills (01) wa ha West Khasi Hills (01) katwa ha kiwi ki 5 tylli ki District ym em kiwa dang yoh kiwa kynthup ya ka East Garo Hills, North Garo Hills, South Garo Hills, South West Khasi Hills wa ha West Jaiñtia Hills.
Na kiwa dang chait kiwa boon dooh toh ha East Khasi Hills (46) wa ha West Khasi Hills (32).
Ki District wa duna dooh kiwa dang chah ktah toh ha South Garo Hills (01), South West Garo Hills (02), North Garo Hills (02), East Garo Hills (03), South West Khasi Hills (06), East Jaiñtia Hills (09), wa ha West Garo Hills (21).
Ki District wa boon dooh kiwa dang chah ktah toh ha East Khasi Hills (507), West Khasi Hills (202), West Jaiñtia Hills (54) wa ha Ri-Bhoi (38).
Waroh kiwa da chait da em ki 97.25% kiwa em 80,673 ngut, kiwa dang chah ktah da em ki 1.01% kiwa em 845 ngut, kiwa yap 1.72% kiwa em 1435 ngut, deilang dapoi 82,953 ngut kiwa da dep yoh ya uni u khñiang hapoh ka jylla.
Kawa dang yap toh ka Chesa R. Marak (26 snem) kawa na Williamnagar, EG Hills kawa da li booh cha Civil Hospital, Williamnagar ha ka 07-10-2021 wei da khlaad ko ha ka 16-10-2021 na ka Covid-19 wei em ko leh kiwi de ki kjut.
Heiyatoh wa i e tika hapoh ka jylla, da dep wow e la 16,44,709 sien heiwa ynne ka sngi da e 54 sien wa kynthup ya ki HCW (00), ki FLW (00), kiwa 18 snem chaneiñ (50) wa kiwa 45 snem chaneiñ (04). Kiwa dang yoh tika ynne kynthup ki ya ki 8 ngut kiwa dang yoh yei sien wa nyngkong wa 46 ngut kiwa yoh yei sien wa ar.
Waroh kiwa da yoh tika chisien da em ki 10,88,084 ngut wa 5,56,625 ngut kiwa da yoh la arsien.
Kiwa dang yoh, kiwa dang chait, kiwa dang chah ktah wa kiwi kiwi man ki kamni ha wah:
