Hadien 7 sngi wa neh kiwa dang yoh COVID-19 hapoh 30,000 ngut, ynne da hiar ki hapoh 20,000 ngut iwa duna dooh hadien 209 sngi.
Kiwa dang yoh ha kini ki 24 kynta da em ki 18,346 ngut, kiwa dang chait 29,639 ngut wa 236 ngut kiwa yap iwa mut wa kiwa dang em ya uni u khñiang da hiar ki da 11,556 ngut iwa pynman leh ya kiwa chah ktah wow hiar ki cha 2.52 lak ngut iwa duna dooh hadien 201 sngi.
Ynnin ka sngi na ki jylla wa boon da kiwa dang yoh ya kiwa chait, ha Mizoram da tam kiwa dang yoh da 639 ngut iwa pynbood da ka West Bengal 17 ngut wa ha Assam 10 ngut.
Ki jylla wa boon dooh kiwa dang chah ktah toh ha Kerala (1,29,324), Maharashtra (37,222), Tamil Nadu (16,864), Mizoram (15,909), Karnataka (12,021), Andhra Pradesh (9,753), West Bengal (7,604), Odisha (4,538), Telangana (4,421) wa ha Assam (4,196).
Ki jylla wa duna dooh wa em kiwa dang chah ktah toh ha Lakshadweep (00), Dadra and Nagar Haveli and Daman and Diu (02), Andaman & Nicobar Islands (10), Bihar (31), Chandigarh (38), Ladakh (50), Rajasthan (57), Jharkhand (90), Madhya Pradesh (123), Gujarat (172), Uttarakhand (150), Uttar Pradesh (158), Tripura (165), Chhattisgarh (232), Punjab (272), Arunachal Pradesh (414), Haryana (280), Nagaland (313), Delhi (398), Sikkim (450), Puducherry (654) wa ha Goa (729).
Ynnin ka sngi da leh 11,41,642 tylli ki Test heiwa kiwa chah ktah da em ki 1.61% iwa tip leh kam ka Positivity Rate kawa da neh hapoh 3% la 36 sngi wa hapoh 5% la 119 sngi.
Heiyatoh wa i e tika, da dep wow e la 91,54,65,826 sien heiwa ynnin ka sngi da e 72,51,419 sien.
Waroh kiwa da chait da em ki 97.93% kiwa em 3,31,50,886 ngut, kiwa dang chah ktah 0.75% kiwa em 2,52,902 ngut, kiwa yap 1.33% kiwa em 4,49,260 ngut, deilang dapoi 3,38,53,048 ngut kiwa da dep yoh ya uni u khñiang hapoh ka ri.
