Kiwa yoh COVID-19 ha Meghalaya da pteiñ ki wow hiar heiwa ynne da em ki hapoh 50 ngut hadien wa em ki hapoh 100 ngut la le sngi, kiwa chait da pteiñ ki wow boon ya kiwa dang yoh la 15 sngi tangwa kiwa yap da em biang ki la 26 sngi khlem sangeh.
Kiwa dang yoh ynne da em ki 25 ngut, kiwa chait 59 ngut wa 1 wa yap ha East Khasi Hills. Da ini kiwa da dep chah ktah ha u khñiang khlam da tam ki 93,000 ngut hapoh ka jylla.
Na kiwa dang yoh kiwa boon dooh toh ha East Khasi Hills (13) katwa ha kiwi ki District da em ki hapoh 5 ngut wei da em leh 5 tylli ki District ki wym em kiwa dang yoh kitæ ka East Garo Hills, Eastern West Khasi Hills, South West Garo Hills, South West Khasi Hills wa ha West Khasi Hills.
Kiwa dang chait kiwa boon dooh toh ha East Khasi Hills (22) wa ha Ri-Bhoi (10).
I rukom em kiwa dang chah ktah ha ki District man i kamni:
East Khasi Hills (272), West Garo Hills (115), Ri-Bhoi (92), West Jaiñtia Hills (88), North Garo Hills (28), Eastern West Khasi Hills (23), West Khasi Hills (22), South West Garo Hills (20), East Jaiñtia Hills (17), East Garo Hills (14), South Garo Hills (13) wa ha South West Khasi Hills (12).
Waroh kiwa da chait da em ki 97.54% kiwa em 90,737 ngut, kiwa dang chah ktah 0.76% kiwa em 716 ngut, kiwa yap 1.67% kiwa em 1563 ngut, deilang dapoi 93,016 ngut kiwa da dep yoh ya uni u khñiang hapoh ka jylla.
Kiwa dang yoh, kiwa dang chait, kiwa dang chah ktah, kiwa thiah Hospital wa kiwi kiwi man ki kamni ha wah:
