Ynne ka sngi, ka National Crime Intelligence Agency, Meghalaya Branch hapoh i yahkhmat u State Intelligence Director ka Meghalaya, u Wanbun N. Dkhar da phah khubor u wa da hiar ki wow thooh bniah wei wow sakhi yei pynkreh ya u sarok Bypass na Khlieh Raitturiem, Khliehtyrchi chadooh Treiongriang uwa tip leh kam u sarok Jowai Bypass uwa da man kam i tim ya ka wah Myntdu neidaw wym ye ka Company kawa tip kam ka Dhar Construction Company wow bood ya ki kyndon yong ki aiñ ramaw næ ki Environmental Laws.
Ha ini i lai pait ya ka wah Myntdu, da chem wa da sdang sngad ko neidaw wa noh wei pyntooid yei khyndaw cha ka wah iwa da booh hei maa ya kiwa chong chnong ka Jowai kiwa da chaniah ha ka wah Myntdu kam kawi na ki wah wa psa um wei man ko leh kawi na ki tyllong wah wa ka sor Jowai da chaniah ko waroh chi kattu najrong wa man ko leh ka wah kawa psa um cha waroh ki pynthor kba nadooh ka Pynthorneiñ wa Pynthorwah deilang wa kiwi ki pynthor wa marjan.
Ka NCIA da ong ko wa ini wym bna wei burom ka Dhar Company yei sur yong u paidbah ka sor Jowai wot hadien wa da ujor da boonsien cha ki bor District wot hadooh ka High Court heiwa da pynkrehkaam leh da ka Section 144 CrPC wei hadien da ka Section 163 BNSS, da pynman ya ka NCIA Meghalaya Branch wow booddien wei da chem yeiwa sakhait ya iwa chah pynbaad, kamtæ u State Intelligence Director ka Meghalaya, u Wanbun N. Dkhar da ong u wa daw leh yeiwa emkaam deiwa ya krehlang wa ka yung krehkaam u National Director, New Delhi yow yoh yei bichaar wa biang.
Ka seiñ NCIA ymtoh ka chnat ka sorkar pyrdi næ sorkar jylla, næ ka chnat ki bor aiñ, wei ymtoh leh ka Investigation Agency, man donhi ko kam ka Non-Profit Organisation (NPO) kawa em ki bru wa sñiawkhia ya ki kaam pyrchah aiñ wa ki kaam baam-tooh.
Discussion about this post