U MLA ka Jowai, u Wailadmiki Shylla ha kini ki kajiak sngi da hiar lai pait lai sylli u ya ki sarok wa da mang u chna hapoh ka Constituency yong oo kiwa em ha ki chnong waphær waphær, wei ha ini i hiar lai pait lai sylli u da emlang ki sahep napoh ka chnat PWD, kiwa yahkhmat yong ki chnong ki thaw wa kiwi.
Hei yaklam wa u Wailadmiki Shylla ong u kini ki sarok wa lai li pait u toh kiwa dadep wai mooyurim deilang i pynbna ya ka mang poisa ha ka sngi booh mooyurim yow chna biang yaka Iawmusiang Shoping Complex ha ka 13-12-24.
Tæ kamwa dadep e kti leh cha kiwa toh u kreh ya kini ki sarok, khana u wa ki chnong wa da lai u toh nadooh chnong Niriang, Madur, Mukhla, ka sarok Bypass na yingkieñ Myntdu wow mih ha laad College, u sarok na Salaroh wow mih ha Moomon Mihmyntdu wa kamjooh leh ka chnong Ialong.
Heini i lai pait da chem u wa i kreh man iwa da sdang, deiwa chna ki kynroh ki nala, neitæ em leh ki sarok wa da hap u khloh ya u sarok rim yow siang mooria khnang wa heini lyiur u yoh laad ki moo u ngam skem.
Kamtæ kamwa i kreh da sdang i, da kyrpaad u ya ki paidbah, ki lok ki jor wow man kiwa yaichah, wei la kammon kammon ha u bnai February-March yong u snem 2026 chwa u poi slap da toh u dep plak ya waroh kini ki sarok.
Discussion about this post