Jowai: Hadien wa ood ki paidbah na ka chnong Mukroh wa Saba yei sih u sarok PWD na Barato-Mukroh-Saba, dei mynsien wa khia ka Jaiñtia National People Organization (JNPO) hapoh i yakhmat u Presideent yong ka u Andreas Suchiang chirup wa ka Indigenous Biodiversity Social Welfare Organization (IBSWO) hapoh i yahkhmat u Vice President u Sunny Bareh da hiar ki wow sylli ya uni u sarok ha kani ka 15 tarik uni u bnai.
Ha ini i lai sylli da chem ki wa uni u sarok da man sakhiat u uwa da sih neibhah wa da dap du ki thlu wa heh wa kmai kiwa da pynthut wat yei lai i wan ki truck Shaktiman.
U sarok u man u u budloom yong ka chnong ka thaw uwa yarap ya ki paidbah wow lai cha ki yung krehkaam sorkar kam na Umlaphiah, Ummaleng, Umladaw, Pynthor Malap, Saba wa Mukroh wei heipor wa miat u man sakhiat u i kyrkhu ya ki paidbah khamtam hawa lai thooh dawai na PHC Barato, CHC Laskein wa kiwi kiwi.
“Uni u sarok leh yarap u ya kiwa rep kiwa kit mar cha yaaw kam cha Mowkaiaw, Raliang, Nartiang, Wahiajer wa Jowai, tangwa nadooh wa ka PWD da mylliñ ko u chna pynmiat ya oo da sih hiwot uni u sarok” da ong kini ki ar seiñ.
Da ong ki leh wa i daw wa man uni u sarok kamni toh neidaw wa kheiñstiñ wei leh mylliñ u MLA kani ka thaiñ u Robinus Syngkon.
Chooh chooh da ong kini ki ar seiñ wa heipor yaleh election da khlai da kular ki kyrtong wow wanrah yei roi i paar tangwa manda kut ka yaleh da mylliñ ki yeini waroh.
Discussion about this post