Hiar thma ki paidbah ya ka Toll Plaza wa chah dat u chipai | Daiñ kuna ka NHAI Rs. 20 lak ya kiwa pynlai

Ka National Highway Authority of India (NHAI) ynnin ka sngi da daiñ kuna ko Rs. 20 lak ya seiñ (Agency) wa pynlai ya ka Bhuni Toll Plaza hadien wa kiwa kreh yong ka da kdoh wei da dat ki ya uwi u chipai ha ka 17 tarik uni u bnai.

Ka NHAI da ong ko wa da daiñ kuna ko Rs. 20 lak na ka M/s Dharam Singh, wei da khang ya kani ka Agency wow khrong dan ko neini chaphrang. Ka NHAI da khang ko leh ya kani ka M/s Dharam Singh wow chibynta wow yaleh Tender neini chakhmat manda khut da ka NHAI ha kiwon kiwon ki Toll Plaza.

I chrai ya kani ka Agency wa pynlai ya ka Toll Plaza wa em ha u sarok Meerut-Karnal ha i bynta u NH-709A toh hadien wa mih i Video wa pynyoo wa chah kdoh u chipai, u Kapil Singh (26 snem) uwa na ka Rajput Regiment, wei da dat da bom ya oo da kiwa kreh ka Toll Plaza.

U Senior Superintendent of Police, u Vipin Tanda da ong u wa da kem ya ki 6 ngut heiyatoh wa ini.

Related posts

Pynman ka Ladrymbai Datsimpein yei jied waheh chnong

August 19, 2025

Khyrngiat ka High Court wa yoh thaw ka Cement Plant palat 1,800 Acre ha Umrangso

August 19, 2025

Ynnin ki tre chnong da hiar thma wei da bom da tympiah tympra ki ya ka Bhuni Toll Plaza nei chrai wa chah dat u chipai kiwa da pynman leh ya i yakhih iwa da pynthut yei lai i wan ki kari chipor hadooh wa da hap wan ki pulit yow beh ki.

Ki pulit da ong ki wa i chah dat uni u chipai toh hadien wa kyrpaad u wow pynlait smat oo wow lai cha Airport yow hær cha Srinagar wow pteiñ kreh hadien wa kut ka chuti u heiwa da pynyoo u leh ya ka ID chipai u.