Ynne i janmiet u President ka VPP, u Ardent M Basaiawmoit ryngkat wa kiwi kiwa yahkhmat da hiar ki cha Khyndailad yow yachem wa kiwa tyrwa cha, tyrwa soh ha ki kriah kiwa uiñ chawah chaneiñ kiwa da chah beh ha ki bru ka Shillong Municipal Board.
Neiliang u Ardent da e mynsien u ya kiwa tyrwa cha, tyrwa soh wym toh u tieñ ki tangwa toh u dai bait ki wei lada ka sorkar leh yabor ko, daw pait won u.
Ini i lai u heh ka VPP toh hadien wa da ki phaw ngut kiwa tyrwa cha wei baam wa kiwa dai soh ha ka thaaiñ Khyndailad da chah khang noh ki wow tyrwa baam ha ka luti Khyndailad hadien wa dadep leh wow kyrriah ya kiwa chongdai madan.
Kini kiwa tyrwa cha wei soh da chah khang ki ha ki bor ka Shillong Municipal Board (SMB) ynnin ka sngi heiwa ki bor ka SMB da sdang ki wow kynreh ya kani ka thaaiñ nadooh i por 12:00 waje pyrdi sngi wei ym e laad ya ki wow kamai deiwa tyrwa baam.
Neiliang kiwa tyrwa cha wei baam da pynsñiaw ki yei sñiaw diaw yei wym yoh u dai wei sah lut i baam, heiwa da pynbaad ki leh ya ki bor Municipal wa da knieh leh ya ki soh wa dai ha ki kriah.
Discussion about this post