Hukum ka High Court wow pyndep niam da u Oni Maskut Deshmukh ha Nartiang: DC WJH

Jowai: Ka yungbichaar Meghalaya High Court ynne ka sngi da pynmih hukum ko wa du u Oni Maskut Deshmukh donhi wow ye u wow pyndep ya ka lehniam Puja ha Nartiang hadien wa kamwa 900 ngut kiwa chong chnong ka Nartiang da ya soi pyrtuid ki wow kyrchaan ya u Oni kam u Pandit wow pyndep ya ka niam.

Ya kani ka hukum da pynmih leh hadien wa ynnin i miet i ka lehniam da lai bait ko wei heipor 10:30 i miet u waheh chnong ka Nartiang da wanrah u sa u yong oo u Pandit u Swappon Bhattacharjee iwa da pynchit ya ki paidbah hadooh wa ki bor pulit da haap ki u sympat lathi ya ki paidbah wei da mynsoo leh 19 ngut ki pulit wa kynthup ya u Addl. SP ka District, u P. Syiem.

Ya u P. Syiem da phah (refer) ya oo wow chah sumaar u ha NEIGRIHMS neidaw wa takha u na khlieh, da mynsoo leh u sahep pulit SI Syngkon, ki pulit langrut chynrang wa ki pulit kynthai.

Ki paidbah da pakhot ki da ki moo wa ki tylloo diñ kiwa chim na i diñ wa chong hang diñ ki paidbah ha chrooh ka mandir.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Ka yung bichaar da ong ko leh wa ini i leh u waheh chnong man i iwa pyrchah ya ka hukum wa pynmih ha ka 09-10-18 wei da ong leh wa ka lehniam wa da sdang u pteiñ hi ko katkam wa kwah ki wa chong chnong ka Nartiang.

Da phah leh ya u DC kamjooh ya u SP ka WJH wa toh u pyntikna ki wa u waheh chnong kamjooh u Pandit yong oo kamjooh ki bru paidbah wymtoh u pynmih ki ya i kulmar wei wow kem wow kset patok ya ki lada leh ki ya ini iwa ye u pynthut ya i lehniam.

Daw chong bichaar biang ya kani ka mukotduma ha ka 01-11-18 wei da phah wan ya u DC, SP ka WJH kamjooh ya u waheh chnong wow em ki dei bru hakhmat ka yungbichaar.

Hawa yaklam wa u DC ka District, u Garod LSN Dykes da pyntip u wa hadien wa pynmih hukum ka High Court ynne, i kaamram wa khroo hi toh wow burom ya kani ka hukum wei wow pyntikna wa ym em wow pynthut ya ka lehniam ha kani ka thaw.

Da ong u leh wa lada u waheh chnong wa u pandit Swaappon Bhattarcharjee namo em kiwa pynthut yei lehniam daw kem ya ki wut wut.

Chooh chooh da pyntip u leh wa ki bor pulit wa da em ha Nartiang man ki kiwa da biang wow pyntikna wa ka lehniam u man ko kawa lai bait wei kawa jai jai.

Heiyatoh wa kiwa mynsoo neiliang ki paidbah u Garod da pyntip u wa hadooh ynne i janmiet ymtip katwon ngut ki paidbah wa mynsoo.

[arve url=”https://www.youtube.com/watch?v=o4Q6nxnj_78″ /]