Hadien wa hukum u montri ki kaam pohyung ka sorkar pyrdi, u Amit Shah, waroh ki hospital ha nongbah Delhi kiwa pynlai da ka sorkar pyrdi, sorkar jylla wa ki yong ki bru samen ynne da pyndep ki ya ki niam wa khaddooh yong ki bru wa da khlaad na u COVID-19.
Kam wow pynkynmoo heini wa ha ka yalang wa khut u Amit Shah ha ka 14 tarik uni u bnai da chim ya ka rai wa ki thaw sumaar toh u pynsmat ki wow pyndep ya ki niam wa khaddooh yong kiwa da khlaad na uni u khñiang. Haddooh ynne da pyndep ya kiwa boon ki niam khaddooh hadien wa yohbor namo hei emlang kiwa hayung hasem.
Ki lehniam yong ki 36 ngut kiwa da khlaad daw pyndep mynstep neibhah wa kiwa hayung yong (kiwa yajan tam) namo ki Next Of Kin ym em ki ha Delhi.
Ka Ministry of Home Affairs (MHA) da hukum ko ya ki hospital wa ymtoh u pynslem ki wow pyndep ya ki lehniam wa khaddooh ya kiwa da khlaad.
