Hukum ka Mumbai HC wow pynbna chuti ya ka Good Friday hadien wa chah pyndam ko

Jowai: U Rev. Theodore Mascarenhas, SFX uwa man leh kam u Secretary General ka Catholic Bishops’ Conference of India, CBCI da pyntip u wa ka Two Judge Bench ka Mumbai High Court wa kynthup ya u Chief Justice Pradeep Nandrajog wa u Justice N.M. Jamdar da phah ki ya ki bor sorkar wa pynlai ya ka ki Union Territory ka Daman & Diu waka Dadra & Nagar Haveli wow tipmit yaka sngi Good Friday kam ka sngi chuti namo ka Gazetted Holiday.

Ka Union Territories (UTs) ka Dadra & Nagar Haveli waka Daman & Diu lyngba ki Notification da pynbna ki wa ka sngi ‘Good Friday’ ha uni u snem 2019 u dam noh ko u man kam ka sngi chuti namo ka Compulsory/Gazetted Holiday wei u man ko kam ka sngi wa ye u jied u man kam ka sngi chuti namo ka Optional/Restricted Holiday.

Ki Kristan wa em ha kini ki UT kiwa man kiwa khian paaid da sñiaw i wa da chah leh chilliang ki na ini deiwa pyndooh chuti ya ka sngi Good Friday kawa man kyntang ya ki neibah waroh ki yung krehkaam sorkar, ki skur waki College daw man ki kiwa wai haka 19 tarik uni u bnai.

Kamtæ neiliang u Anthony Francisco Duarte na Moti Daman, Daman da yaleh u da ka Public Interest Litigation (PIL) haka Bombay High Court yow pyrchah yei pyndooh chuti ya ka sngi Good Friday kawa da chong bichaar haka 11 tarik uni u bnai.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Ka (CBCI) deilang waka ADF (Alliance defending Freedom) wa u Archdiocese ka Goa wa Daman da kyrchaan ki ya kani ka PIL.

U Haresh Jagtiani Sr. Advocate da yasaaid u ya kiwa yaleh PIL, wei u Chief Justice da kylli u ya kiwa chah e PIL neiyi i daw wa da pyndooh chuti ya ka Good Friday heiwa ki muktiar yong ki da jubab ki wa ki Kristan man ki kiwa khian paaid wei i pyndooh chuti ym ktah ware ko katwa u muktiar kiwa yaleh PIL da ong u wa hapoh ka ri India man ko pyrchah ya ka riti synchaar ka ri kawa ym em pait chilliang ya kawon kawon ka niam lada heh namo khian paaid.

Kamtæ ynne ka 15 tarik da chong bichaar biang ya kani ka kaam heiwa kiwa mihkhat wa yasaaid ka sorkar da ong ki wa da tbian ware i por wow pynbna ya ka Good Friday kam ka sngi chuti tangwa ka High Court da ong ko kani ka sngi man ko kawa kyrpang ya waroh ki Kristan wa em hapoh ka ri wei da phah wow pynbna chuti ya ka Good Friday yow man biang kam ka sngi chuti wa tipmit namo ka Gazetted Holiday.