Hukum ka NGT ya ka JMB wow chna ya ki thaw pynkhooid ya ki jakhlia wa tooid cha wah Myntdu

Jowai: Ka NGT ha kani ka 26 tarik uni u bnai wa da dep da chong bichaar ko hei yatoh wa ka muktoduma u Sajay Laloo heiwa ka Sorkar jylla da paan por ko u pynkrehkaam ya ka hukum ka NGT wada pynmih ko ha ka 04 Naikhynde 2017.

Hadien wa pdiang yeini neiliang i paan por ka Sorkar jylla, wei kiwa chong bichaar da pynsñiaw ki leh yei mynsien wa sñiawsih hei yatoh wa ka Jowai Municipal Board ka wym ye u pynkrehkaam ya ka kaamram yong ka.

Da ong ka NGT wa katkam wa man hi ka um jakhlia na ki yung ki sem wa kiwi kiwi da pynkai bait cha ka wah Myntdu, wei hadooh katni ympu ye ko u chna ya ki thaw pynkhooid ya ki um jakhlia kiwa tip leh kam ki Sewage Treatment Plant.

Neiliang won u muktiar ka Meghalaya State Pollution Control Board, won da kam u wa da dep chna ya ki laad wow pynkhooid ya ki jakhlia, heiwa u LD Chowdhury uwa man u muktiar ya ka Board da ong u wa da paan ki T. 4 lak yow pynkhreh ya ka DPR hei yatoh wa kini ki thaw pynkhooid.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Ka NGT da phah ko leh na u muktiar ka MUDA u HS Thangkhiew, wow ong ya ka Urban Affairs Department wow pynsmat noh ya iwa emkaam ka Municipal Board.

Heijooh i por ka NGT da phah ko ya ka Jowai Municipal Board wow chna ya kani ka DPR wei wow phah ya ka cha ka NGT chwa ka sngi wow chong bichaar biang ka NGT hei yatoh wa ini.

Ya ka MSPCB won ka NGT da paan ko ya ka bui namo ka report hei yatoh wa i rukom man ka la-ær wa ka um ha Jowai wei wow phah ya ka affidavit hei yatoh wa itæ kam ka dak wa da bood ya ka hukum ka NGT kawa da pynmih ha ka 4 Naikhynde 2017.

Ka NGT daw chong bichaar biang ko ya ini i kaam ha ka 27 tarik uni u bnai.