Ka Seiñraij Jowai kam ka dak wow kynmoo warom ya U Woh Kiang Nangbah yeiwa daw dap lyngkhooh snem yap wa 163 snem, kamtæ kamwa man khlieh snem da pynyaleh ya ki yalehke wa har rukom khamtam ki yalehke yongrim wa da pynlai da Ka Khynroo Khyllood Committee Seiñraij Jowai ha ka 21-12-2025.
“Dap i dei mynsien makhane wow yoo wa ha ka khubor wa da pynmih ha Wyrta da pynemwarom ya U Khlawait ka Ri Khadar Dolloi – U Khlawait yong ka jaitbru yong i neibynta wow kynmoo yei pyrtuid i naam yong oo,” da ong ka khubor na ka Seiñraij Jowai.
Tangwa ka Seiñraij Jowai da pynsñiaw ko yei sñiawsih wow yoo yeiwa em napyrdi kiwa thoh pynbood ktien (Comments) ha ka khubor wa pynmih ha Wyrta ha ka 22/12/2025 hajrong ka phang “Da ki yalehke tynre pynman Ka KKC Seiñraij Jowai wow leh warom ya ka lyngkhooh sngi yap U Kiang Nangbah” heiwa uwi u bru wa tip pyrtuid kam u Stephan Lamin da pynbood ktien (Comment) khlemakor u deiwa thoh “U Kiang Nangbah dairi” iwa ka seiñ hi ymye ko u pdiang da lei lei leh.
“Hajrong ini i klam khlemakor yong me Stephan Lammi – Ka Seiñraij Jowai paan ko yei pynche na me hajrong kayi ka yurim wow kynnoh ya U Woh Kiang Nangbah, u khlawait yong i da kam kitæ ki ktien khlem akor,” da ong ka Seiñraij Jowai.
Da phah leh ya u Stephen Lamin wow wan pynche u ha Office ka Seiñraij Jowai ha næ chwa ka 30-12-2025 hapoh i por 10:00 waje i step, lym kamtæ, ka Seiñraij Jowai u leh ko yeiwa emkaam katkam ka aiñ pynhiar burom yei pyrtuid i naam yong u Khlawait ka Ri.
Discussion about this post