Jowai: Yow pyntikna yei em i chong suk chong saiñ hapoh ka Elaka Nartiang heipor wa pynman yaka Durga Puja ha Nartiang Temple nadooh ka 4 tarik hadooh 8 tarik u Naichiphaw (Oct) 2019, u District Magistrate ka West Jaiñtia Hills District da pynkrehkaam u ya ka kyndon Section 144 Cr.PC yow phah ya waroh kiwa em ki tiar yasiat hapoh ka Elaka Nartiang wow li booh ki hapoh ki jar jiar ki Police Station wa Police Outpost deilang wa ki Xerox Copy ki License yong ki.
Ya ki tiar yasiat daw pylliat ya ki hadien wa kut ka Durga Puja.
Kani ka hukum da khang ko leh ya uwon uwon wow rah ya ki tiar yasiat hapoh ka Elaka tangwa ym krehkaam ko ya ki chipai wa ki pulit kiwa leh yei kamram yong ki katkam ka aiñ.
Kani ka hukum u krehkaam ko ha waroh kawi ka Elaka Nartiang, West Jaiñtia Hills chisyndon hadooh wa kut ka Durga Puja.
Discussion about this post