Jowai: Hadien wa dep pynman ya ka yalang wa waroh chi sngi kawa tip kam ka Review Meeting ynnin ka sngi da ki heh ki tnat sorkar waphær waphær hapoh ka West Jaiñtia Hills District heiwa em leh ki dkhot ka State Development Reform Commission (SDRC) kiwa chong pyrkhat leh wow boodien ya ki scheme waphær waphær wa pynkreh hapoh ka jylla kamtæ ynne ka sngi da lai li sakhi ki dei khmat yong ki yow chem yei eh i khoo u pynkrehkaam ya ki scheme sorkar.
Ka SDRC lai ki cha ka Children Home (Boys) wa em ha Chutwakhu wa ka Children Home (Girls) wa em ha Mihmyntdu, Lumpyrtuh wei da yaklam ki leh wa ka District Child Protection Officer wa ki sahep ka Social Welfare Officer kiwa da khana yei chitom wa chem ki.
Ki dkhot SDRC leh da yoo hun ki yeiwa khooid wa suba kini ki thaw wei hadien ini da lai ki cha Umladkhur wa em hapoh ka Amlarem C& RD Block yow yachem wa kiwa sa’ang dakha wei da sangeh ki leh ha ka Jarian Pitcher Plant.
Da lai ki leh cha Shangpung kawa em hapoh ka Laskein C&RD Block yow li pait ya ka Khliehmushut Fish Sanctuary Site, ki thaw ri sniang waka Paddy Fish Culture heiwa da psan dakha ha ki hali rep kba. Da lai ki leh cha ka Horticulture Office wa em ha Thadlaskein C&RD Block.
Ha chwa ini da yachem ki leh wa ki pulit kynthai, ka Districy Child Protection Officer ha Circuit House, Jowai.
Kamtæ hadien waroh ini ki dkhot ka SDRC da hun ki yeiwa yoo ki hapoh ka district.
Discussion about this post