• About Us
  • Contact Us
  • Privacy Policy
  • Advertise With Us
  • Terms & Conditions
Saturday, May 10, 2025
Wyrta
  • Home
  • Politics
  • Culture
  • Opinion
  • Sports
  • Crime
  • Life
  • English
  • Entertainment
  • Guest Writer
No Result
View All Result
Wyrta
  • Home
  • Politics
  • Culture
  • Opinion
  • Sports
  • Crime
  • Life
  • English
  • Entertainment
  • Guest Writer
No Result
View All Result
Wyrta
No Result
View All Result
ADVERTISEMENT
Advertisement Advertisement Advertisement
Home Life

I boon kiwa injek drugs daw pynroi ko yei kjut HIV/AIDS

Wyrta Staff by Wyrta Staff
December 1, 2015
Reading Time: 5 mins read
A A
0
Share on FacebookShare on Twitter

Jowai : I knynmoo ya ka World AIDS Day ha kylleiñ ka pyrthai ynne ha Jowai leh da sakhi ya ka Ïawmusiang kawa kawa da pynman da ka Break Through Center yong ka KJP Synod Mihngi  ka wa em ha Lad Nartaing, Jowai.

Ya kani ka yalang wa pynman hajrong ka mala wa nyngkong ka CNI Complex wei da yoh yei klam na kiwa boon kiwa chah khut sniawbha kiwa pynkynmoo ya ki paidbah wei da pynche chaphang ini i kjut HIV/AIDS.

U ma P. Syiem DSP, Jowai da khana u ya ki kattu katni ki bru wa chah kem ha oo kiwa phla wa ki toh ki wa em yei kjut HIV/AIDS. Dang nachwa ong u tieñ u boi da poor i kjut cha oo neibhah da tba wei kamjooh da ya chong jan u wa kini wa yoh yeini kjut. Tangwa pynche u cha ki paidbah wa ini toh iwa bakla neibhah yeini kjut ym ye u yoh ya ka deiwa ya dih cha lang, deiwa ya khublei kti namo deiwa yatoh lok wa ki. Ong u wa ya ini i kjut joor i khamtam ha kitu ki bru wa yathiah yadem wa ki wa boon ki chynrang lane kynthai khlem pynemkaam iwon iwon i laad yada kam u condom.

Related posts

Lai kjat ki waheh wa ki khynnah na Dkhiah West chadooh cha u mot u Kiang Nangbah

March 23, 2024

Pynphooh ka Loompyrdi Iongpiah ya ka sngi ki kynthai deiwa pdiang burom ya ka Ridamaya

March 8, 2024

Kamjooh leh da ong u wa chem u ha Ri-loom Jaiñtia ini i kjut poor i ha kiwa dih drok deiwa pynemkaam ki da u jooh u thyrnia. Ong u wa katni kini wa pynemkaam u dung thyrnai da em ki da ki hajar ngut kamtæ da booh yei jingim ki ha i ma wa khroo bha. Ong chooh chooh u wa sniaw u kam u DSP da duna u hei kaam yong oo neidaw wa ym ye u wow pynduna ya i boon kiwa pynemkaam drugs.

Ka kong Newmerryliss Shullai kawa man kam ka counselor kani ka Break Through Center wa ka Dr. E. Paswet hei klam yong ki da pynkynmoo ki wa ki bru wa em yeini kjut ye ki u im wei wow leh yei kaam yong ki kiwa man ka sngi kam kiwi ki bru wa chait deiwa dih tista ya ki dawai Antiretroviral kiwa ye u pynduna bor ya ki khiang kjut wa rah yei kjut HIV. Da pynkynmoo ki leh ya ki paidbah wow yait na ki kaam ya i dih kiad neibhah ka kiad boon ki por pynchlur ko ya ki bru u leh ya ki kaam awria i wa yah cha i yoh ya ini i kjut.

Da pynchlur ki leh ya ki paidbah wa lada chem ki wa em ki i kjut kam ki pynhiar wa neh da ki boon boon sngi, i sdang u rakhoh (rapid weight loos) hadien nawon iwa yah cha ka kjut TB wow lai smat ki u phah test ya i snaam yong ki boi ye ki u yoh yei kjut HIV.

Kam chibynta yow pynkynmoo ya ki paidbah wow lait ki u yoh yeini i kjut kamjooh wa ymhoi u kyntait ya kiwa em yeini kjut ha ka imlang sahlang da em ka droma wa tbian (skit) wa da leh da ki dkhot ka Break through Center.

Da em leh artylli ki rwai hei yatoh wa i kjut HIV/AIDS wa da e da ka dhab rwai Limmaco na Laskeiñ.

Da pynkut ya kani ka yachem ynne ka sngi dei yasoi pyrtuit paidbah kam ka dak wow yakhun pyrchah ya kani ka kjut.

ShareTweetSendShare
Previous Post

Yow pynmiat yei sap lai chimbynta kiwa na Ri-Loom Jaintia cha Kerala

Next Post

Dei ksiar 5 Tula u pynkhle ka Chilliang Raij

Next Post

Dei ksiar 5 Tula u pynkhle ka Chilliang Raij

Discussion about this post

Wyrta

© 2025 WYRTA Khubor Hei Ktien Pnar

Navigate Site

  • About Us
  • Contact Us
  • Privacy Policy
  • Advertise With Us
  • Terms & Conditions

Follow Us

No Result
View All Result
  • Home
  • Politics
  • Culture
  • National
  • Sports
  • Life
  • English
  • Guest Writer
  • Entertainment

© 2025 WYRTA Khubor Hei Ktien Pnar