U Montri wa pait ya ka chnat Social Welfare, u Paul Lyngdoh da pyntip u wa ka Phidalia Toi kawa jooh man kam ka Chairperson ka Meghalaya State Commission for Women da chah pyndam ko neidaw wa tyngkheiñ ko ya ki kyndon ka aiñ Meghalaya State Commission for Women Act, 2005.
Da khana u leh wa ka Phidalia Toi toh u emlang ko ym duna ya le tylli ki yachemlang ka Commission katkam ki kyndon aiñ tangwa ym em wan ko cha soo tylli ki yalang wei da chah pynbaad ko leh wa da embynta ko ha ka lai paidbah Election neibynta u kyrtong ka NPP na Jowai, u Wailadmiki Shylla.
Chooh chooh da ong u wa hadien wa da pait u ya ka File da chem wym em wan ko cha ka yalang ka Commission iwa toh u wan ko le sien tangwa da dam ko u wan cha ki soo tylli ki yalang wei hajrong ini ym em de man ko kawa biang wow man kam ka Chairperson ka Commission.
U Montri da pyntip u leh wa ym pu em thung thymme da kawi ka Chairperson wei ka sorkar hap ko wow man kawa bniah bha hawa leh yeini yow yoh da ka bru wa biang.
Da ong u leh wa yeini daw yaklam wa u Montri Rangbah wei daw lai rah leh yei pyrtuid manda yoh yow ya pyrkhatlang.
Da pynrap u deiwa ong wa hap wow leh katkam ka kyrdan wa da booh wei ymtoh wow jied deiwa yatoh Party.
Ha iwi won i liang da ong u wa kiwi ki dkhot u pteiñ ki yei kaam ki hadooh wa kut i por wa da thung ya ki deiwa ong leh wa emkaam leh wow thung smat ya ka Chairperson wa thymme ka Meghalaya State Commission for Women.
Puræ leh: Ka Meghalaya State Commission for Women toh kawa da dep pyndam ka sorkar
