U Deputy Commissioner, West Jaiñtia Hills District, Jowai da pynmih hukum ko ya waroh kiwa chongdai ha rood sarok kamjooh ki luti lai kjat wow kyrriah noh ki chisyndon.
Ya kani ka hukum da pynmih neidaw wa da chem chitom wow kyrriah ya kiwa chongdai kiwa da chim ya waroh ki kdong, ki thaw hapoh ka chnong Jowai nadooh ki luti lai kjat ki paidbah iwa da pyndik pynchitom ya kiwa lai wa wan dei kjat kamjooh leh yei lai i wan ki kari.
Kamtæ u DC da ong u wa ini toh iwa man pyrchah ya ka aiñ neibhah da chim ki wow chongdai ha ki thaw wa toh u pynemkaam ki paidbah iwa da pyndooh leh yei hok ki paidbah wow pynemkaam ya ki luti lai kjat deiwa hap pynbor ya ka wow lai bait na sarok iwa da wanrah yei mynsoo kamjooh i khynnia ki sarok wei sahkut kari.
Hajrong ini da phah ya kiwa chongdai cha rood sarok wa ki luti lai kjat paidbah wow kyrriah ki chisyndon.
