Ka BJP Meghalaya ha ka kyrwoh wa da phah da pyntip ko wa em ki por wa hap u chim da ki rai kiwa eh wei kam kiwa kreh ka Party man ki kiwa ryntih wei da pdiang wei sñiawthooh ki yei rai hapoh ka Meghalaya wow kyrchaan ya kiwa ya krehlang ka Party.
Da ong leh wa i ya krehlang toh iwa man kyntang wei wow burom kylliang neibhah ka National People’s Party (NPP) da ieh ko khlem pynyieñ kyrtong ha Arunachal Pradesh wa ha Outer Manipur deiwa e yei kyrchaan ya ki kyrtong ka BJP.
Kamtæ yow su kylliang, ka BJP da rai ko wow pyndam u booh kyrtong ha Shillong wa Tura ha kani ka Lok Sabha Election wei ini toh i rukom kreh hapyrdi kiwa ya krehlang.
Heijooh i por da ong wa ka BJP Meghalaya toh kiwa da dep u pynkhreh bha ya ka Lok Sabha Election ha ki bnai wa da dep deiwa pynman ya ki Gaon Chalo Abhiyan, Labharthi Sampark Yatra, Viksit Bharat Ambassador, i pynchlur yow pynemkaam ya ki Namo App wa kiwi kiwi de.
Da ong leh wa hapoh i yahkhmat u President wa thymme hapoh ka jylla, u Rikman G Momin da psiah boon kiwa kreh thymme chapoh ka Party wei da sñiaw skem ki wa ha ki 4 snem wow wan daw ye ki u pynyoo yei mih soh manda pynman yaka Election MLA.
I pyntip na u Sabyasachi Ghose, Convenor State Media Cell BJP, Meghalaya Pradesh.
Discussion about this post